بھارتیہ فضائیہ کے ملٹی پرپز ہوائی جہاز اے این 32 نے چنیالیسور فضائی پٹی پر کامیاب لینڈنگ کی ہے۔ بتایا جارہا ہے کہ اے این 32 طیارے نے رن وے کا بھی معائنہ کیا ہے اور ساتھ ہی بار ٹیک آف لینڈنگ کا بھی تجربہ کیا۔
اگر ذرائع پر یقین کیا جائے تو فضائیہ چنیالیسور فضائی پٹی کو ایئربیس بنانے کے عمل میں ہے۔
واضح رہے کہ منگل کے روز بھارتیہ فضائیہ کے افسران دو چیتک ہیلی کاپٹر سے چنیالیسور فضائیہ ایئر بیس پر پہنچے تھے جہاں فضائیہ کے عہدیداروں نے مقامی انتظامی عہدیداروں سے ملاقات کی اور چنیالیسور فضائی پٹی کے ٹرمینلز رن وے کے ساتھ اے ٹی سی ٹاور کا معائنہ کیا۔
گذشتہ برس فضائیہ نے چنیالیسور فضائی پٹی پر گگن شکتی نامی ہوائی جہاز کی لینڈنگ اور ٹیک آف کا ٹرائل آپریشن چلایا تھا۔
بھارت، چین بین الاقوامی سرحد کے اسٹریٹجک نقطہ نظر سے چینالیسور کی فضائی پٹی پر فضائیہ کی سرگرمیاں گذشتہ دو برسوں سے عروج پر ہیں۔