نرمل پنچایتی اکھاڑہ کے فرضی دعویدار

نرمل پنچایتی اکھاڑہ کے نام پر سنتوں کے ایک فرضی گروہ نے اس کی ملکیت پر قبضہ کرنے کی کوشش کی ہے۔

اکھاڑہ کونسل کے 13 اکھاڑوں میں سے ایک نرمل پنچایتی اکھاڑہ بھی ہے، اس کے نام پر ایک فرضی ’’نرمل پنچایتی اکھاڑہ‘‘ قائم کیا گیا ہے اور اصل نرمل پنچایتی اکھاڑہ کی جائداد کو قبضہ کرنے کی کوشش کی گئی ہے۔

پولیس کی جانب سے کارروائی کی گئی، اس کے بعد اتراکھنڈ، پنجاب اور ملک کے مختلف حصوں کے 11 سنتوں کے خلاف کنکھل پولیس اسٹیشن میں مقدمہ درج کیا ہے۔

اس فرضی نرمل پنچایتی اکھاڑہ پر نرمل اکھاڑہ کے پٹنہ صاحب، گنڈی کھاتا گرودوارہ کی زمین پر قبضہ اور ہریدوار کے سیکڑوں ایکڑ زمیں پر قبضہ کرنے کا الزام ہے۔

اس پر نرمل پنچایتی اکھاڑہ نے آکھاڑہ کونسل سے مطالبہ کیا ہے کہ نرمل پنچایتی اکھاڑہ کو بدنام کرنے والے سنتوں کے خلاف کارروائی کی جائے۔