Pakistani Flags in Uttarkashi اترکاشی میں غباروں کے ساتھ ملا پاکستانی پرچم، خفیہ ایجنسیاں تحقیقات میں مصروف

اترکاشی کے چنیالی سوڑ میں واقع تولیاڑا گاؤں کے قریب جھاڑیوں میں غباروں کے ساتھ پاکستانی پرچم ملے ہیں۔ ساتھ ہی اردو میں لکھا ہوا ایک بینر بھی ملا ہے۔ انٹیلی جنس ادارے الرٹ ہو گئے ہیں۔ Pakistani flags found in Uttarkashi

اترکاشی: چین تبت سرحد سے متصل اتراکھنڈ کے اترکاشی کے چنیالی سوڑ میں واقع تولیاڑا گاؤں کے جنگلات میں تقریباً 200 سے 250 غبارے ملے ہیں۔ ان پر پاکستان کے جھنڈے بھی تھے۔ پاکستانی پرچم نظر آتے ہی لوگوں میں ہلچل مچ گئی۔ ایس پی ارپن یدوونشی نے بتایا کہ غباروں پر ایک دو پاکستانی جھنڈے لگے ہوئے ہیں۔ واضح رہے کہ غبارے کے ساتھ پاکستان کا اردو میں لکھا ہوا بینر ملنے کے بعد خفیہ ایجنسیاں الرٹ ہوگئی ہیں۔ چنیالی سوڑ کے تلیاڑا کے جنگلات میں اردو میں لکھا ہوا بینر دیکھ کر مقامی لوگوں نے پولیس کو اطلاع دی۔ اطلاع ملتے ہی آئی بی کی ٹیم بھی موقعے پر پہنچ گئی۔ investigation in Pakistani Flags found in Uttarkashi

اترکاشی ضلع کی سرحدیں چین اور تبت سے ملتی ہیں۔ تاہم وہاں سے بینر آنے کے امکان کو رد کیا جا رہا ہے۔ دوسری طرف، اترکاشی حکمت عملی کے لحاظ سے حساس اضلاع میں شمار ہوتا ہے۔ چنیالی سوڑ کی فضائی پٹی تولیڑا سے صرف تین کلومیٹر دور ہے۔ فضائیہ کے طیارے کئی بار چنیالی سوڑ فضائی پٹی پر اتر چکے ہیں۔ وقتاً فوقتاً یہاں بھارتی فضائیہ بھی مشق کرتی رہتی ہے۔

اس بات کی تحقیقات کی جارہی ہے کہ بینر کہاں سے اڑ کر اس علاقے میں پہنچا ہے۔ جھاڑیوں میں بینرز پڑے تھے جن کے ساتھ کچھ غبارے بھی تھے۔ پولیس نے موقعے پر پہنچ کر بینر کو قبضے میں لے لیا ہے۔ ایس پی ارپن یدوونشی نے بتایا کہ تلیاڑا میں اس طرح کے بینر ملنے کی اطلاع ملی ہے۔ معاملہ ملکی سلامتی سے جڑا ہوا ہے۔ ایسے میں اس کی جانکاری آئی بی کو دی گئی۔ مقامی پولیس بھی معاملے کی تحقیقات کر رہی ہے۔ تحقیقات کے بعد ہی کچھ کہا جا سکتا ہے۔ دوسری جانب گاؤں تلیاڑا کے قریب جھاڑیوں میں پاکستان کا جھنڈا ملنے پر لاہور بار ایسوسی ایشن کا بینر علاقے میں موضوع بحث بن گیا۔