ائمہ مساجد کی حالت بہتر کرنے کی ضرورت: عمیر احمد الیاسی

مسلم معاشرے کو چاہیے کہ اپنی تمام برائیوں کو ختم کرکے ملک کی ترقی کے لیے کام کرے۔ یہ بات راشٹریہ امام سنگھ کے مرکزی امام عمیر احمد الیاسی نے کہی۔

عمیر احمد الیاسی اتراکھنڈ کے ضلع ادھم سنگھ نگر میں علماء سے ملاقات پہنچے تھے۔ اس دوران انہوں نے علمائے کرام اور موجود لوگوں سے ملاقات کرتے ہوئے کہا کہ ہمیں اپنے معاشرے کے ساتھ ملک کو مضبوط کرنے کے لیے کام کرنا ہوگا۔

بتادیں کہ آج راشٹریہ امام سنگھ کے چیف امام (بھارت) عمیر احمد الیاسی کا ضلع اُدھم سنگھ نگر پہنچنے پر مقامی ائمہ اور بی جے پی کے اقلیتی مورچہ کے کارکنوں نے پرتپاک استقبال کیا۔

اس دوران چیف امام نے عوام کو ملک کی مضبوطی کے لئے آگے آنے کی نصیحت کرتے ہوئے کہا کہ آج کورونا ویکسینیشن کے حوالے سے مسلمانوں میں طرح طرح کے غلط فہمیاں پائی جارہی ہیں، جو ملک اور مسلم برادری کو کمزور کرنے کے مترادف ہے۔

اسی دوران میڈیا سے گفتگو کرتے ہوئے انہوں نے کہا کہ ملک میں ائمہ کی صورتحال بہت کمزور ہے، ہماری قوم کو چاہئے کہ وہ ائمہ کی حالت کو بہتر بنائیں کیونکہ جس قوم کا امام بہتر نہیں ہوتا ہے وہ قوم کبھی مضبوط نہیں ہوسکتی ہے۔