غیر قانونی شراب کے خلاف مہم

ریاست اتر پردیش کے نوئیڈا علاقے میں محکمہ ایکسائز نے غیر قانونی شراب کےخلاف تلاشی مہم جاری کی ہے۔

ڈسٹرکٹ ایکسائز ڈپارٹمنٹ ٹیم کے ذریعہ ضلع مجسٹریٹ بی این سنگھ کی ہدایت میں دیر رات غیر قانونی شراب کی اسمگلنگ کی روک تھام کے لیے ایسٹرن پیریفرل سروس روڈ، دادری، بیل اکبر پور کے قریب ہریانہ ریاست سے آنے والی گاڑیوں کی تلاشی لی جا رہی ہے۔

غیر قانونی شراب کی چیکنگ

میرٹھ زون کے جوائنٹ ایکسائز کمشنر اور ڈپٹی ایکسائز کمشنر میرٹھ بورڈ کے افسران نے ایکسائز شاپس کی بھی جانچ پڑتال کی۔

مہم کے دوران افسران کو کسی جگہ پر غیر قانونی شراب کی گاڑیاں نہیں ملیں۔

ڈسٹرکٹ ایکسائز آفیسر راکیش بہادر سنگھ نے بتایا کہ ضلع میں یہ مہم مستقل طور پر چلائی جارہی ہے۔

کہیں بھی غیر قانونی شراب پکڑی گئی تو ملزمان کے خلاف ایکسائز ایکٹ کے تحت سخت کارروائی کو یقینی بنایا جائے گا۔