کانگریس کے جنرل سکریٹری اور اتراکھنڈ کے سابق وزیر اعلی ہریش راوت نے کہا کہ بی جے پی کے کنویں میں ایک سے ایک بڑا بدعنوان انسان بیٹھا ہے اور تفتیش ان کی کروائی جارہی ہے
انہوں نے میڈیا سے خطاب کرتے ہوئے کہا کہ کیس بی جے پی کے رہنماؤں پر ہونے چاہیے کیوں کہ لوٹ کھسوٹ ڈکیتی والے بی جے پی میں ہیں کانگریس میں نہیں۔
ہریش راوت نے اراکین اسمبلی کی خرید و فروخت کا معاملہ بیان کرتے ہوئے کہا کہ بی جے پی کے دور میں سب ممکن ہے، ساتھ انھوں نے طنز کرتے ہوئے کہا ہے مودی راج میں یہ طئے ہوگیا ہے کہ جس کے گھر پر چوری ہوگی اسی پر مقدمہ کیا جائے گا۔
مہاراشٹر میں جاری سیاسی رسہ کشی پر راوت کا کہنا ہے کہ' نظریاتی طور پر کانگریس کا شیوسینا سے کوئی میل نہیں ہے اور بی جے پی سے بھی کوئی میل نہیں ہے لیکن بی جے پی نہ صرف ایک خاص فرقے کی پارٹی ہے بلکہ غیر جمہوری رویہ اختیار کرنے والی پارٹی بھی ہے۔