Chintan Shivir وزارت داخلہ کے چنتن شیویر میں ای سکیورٹی پر دھامی حکومت کی اہم تجاویز

ریاستوں کے وزرائے داخلہ کے چنتن شیور میں سائبر سیکورٹی پر وزیر اعلیٰ پشکر سنگھ دھامی کی قیادت میں ریاستی حکومت کی طرف سے دی گئی تجاویز میں کہا گیا ہے کہ سائبر کرائمز کی تحقیقات کا اختیار سب انسپکٹر سطح کے پولیس افسر کو دیا جائے تاکہ تفتیشی کام بروقت اور قانونی طریقے سے مکمل ہوسکے۔ Uttrakhand Govt on Cyber Security

نئی دہلی: وزارت داخلہ کے زیر اہتمام اتراکھنڈ حکومت نے ریاستوں کے وزرائے داخلہ کے چنتن شیور میں سائبر سکیورٹی پر کئی اہم مشورے دیے ہیں۔ وزیر اعلیٰ پشکر سنگھ دھامی کی قیادت میں ریاستی حکومت کی طرف سے دی گئی تجاویز میں کہا گیا ہے کہ سائبر کرائمز کی تحقیقات کا اختیار سب انسپکٹر سطح کے پولیس افسر کو دیا جائے تاکہ تفتیشی کام بروقت اور قانونی طریقے سے مکمل ہوسکے۔ Ministry of Home Affairs Chintan Shivir

ریاستی حکومت نے یہ بھی کہا کہ جرائم کی روک تھام کے لیے مرکز کی ہیلپ لائن 1930 کو 112 سے منسلک کیا گیا ہے اور بینکوں اور مالیاتی کمپنیوں کو اس پر مؤثر طریقے سے کام کرنے کو کہا گیا ہے۔ ریاستی حکومت کی جانب سے ڈائرکٹر جنرل آف پولیس اشوک کمار نے کہا کہ انفارمیشن ٹیکنالوجی ایکٹ قانون کو موثر بنانے کے لیے سائبر کرائم کے لیے سزا کے التزام کو مزید سخت کیا جانا چاہیے تاکہ مجرموں کو جلد ضمانت نہ مل سکے اور جرائم کے دوبارہ ہونے کو روکا جا سکتا ہے۔

یو این آئی