ہیلتھ انشورنس کے نام پر پنشن سے کٹوتی کے معاملے میں حکومت سے جواب طلب

اتراکھنڈ ہائی کورٹ نےسبکدوش ملازمین سے ہیلتھ انشورنس کے نام پر پنشن سےکی جانی والی کٹوتی کے خلاف دائر مفاد عامہ عرضی کی سماعت کے دوران جمعرات کو چیف سکریٹری اور صحت سکریٹری سے 14 جولائی تک تفصیلی جواب پیش کرنے کو کہا۔

ہیلتھ انشورنس کے نام پر پنشن سےکی جانی والی کٹوتی کے خلاف دائر مفاد عامہ عرضی پر اگلی سماعت کے لیے تاریخ 14 جولائی کو مقرر کی گئی ہے ۔ اس معاملے میں سماعت آج چیف جسٹس آر ایس چوہان اور جسٹس آلوک کمار ورما کی بینچ میں ہوئی ۔ دہرادون کے رہنے والے گنپت سنگھ بیشٹ اور دیگران کی جانب سے ایک مفاد عامہ عرضی دائر کر کے کہا گیا ہے کہ ریاستی حکومت 21 دسمبر ، 2020 کوحکم جاری کرکے صحت بیمہ کے نام پر سبکدوش ملازمین کی پنشن سے لازمی کٹوتی کررہی ہے۔

اس کے لئے ملازمین کی اجازت نہیں لی گئی ہے ۔ کٹوتی یکم جنوری 2021 سے شروع کی گئی ہے ۔ عرضی گزاروں کا کہنا ہے کہ حکومت کا یہ قدم غیر آئینی ہے ۔ حکومت پہلے ہیلتھ انشورنس کی رقم خود ہی برداشت کرتی تھی ۔

یو این آئی