کانگریس جنرل سکریٹری پرینکا گاندھی واڈرا نے اترپردیش کی یوگی حکومت کو یاد دلایا ہے کہ لاک ڈاؤن میں معاشی بدحالی کا سامنا کر رہے بنکروں کی بجلی معافی کے لئے ان کے ذریعہ لکھے خط کا اب تک کوئی نوٹس نہیں لیا گیا ہے۔
محترمہ واڈرا نے جمعہ کو اپنے ٹوئٹ میں لکھا 'میں نے 13مئی کو یوپی حکومت کو خط لکھ کر بنکروں کا بجلی معاف کرنے اور لاک ڈاؤن سے پیدا بحران میں مدد کے لئے ہر ایک بنکر کنبے کو 12000 روپئے فی ماہ دینے کا مطالبہ کیا تھا۔ بنکروں کی بری حالت کو دیکھتے ہوئے حکومت کو فوراً یہ قدم اٹھانے چاہئیں تاکہ اس آرٹ کو بچایا جاسکے'۔
پرینکا نے خط میں لکھا تھا 'کورونا وبا سے عوامی زندگی متاثر ہے۔ ہر سماج کے اوپر بھیانک معاشی مار پڑی ہے۔ کسان غریب اور مزدور سماج کی حالت کافی خستہ ہے۔ معاشی بحران نے مڈل کلاس اور جنرل زمرے کے نوکری پیشہ افراد کو بھی اپنی زد میں لے لیا ہے۔ کاروبار اور تاجر سماج کے اوپر اپنا وجود بچانے کا بحران کھڑا ہوگیا ہے۔ ان سماج کی مدد کرنا ناگزیر ہے'۔
یہ بھی پڑھیے
پونے اور حیدرآباد میں ماروتی سوزو کی خریداری شروع
انہوں نے مزید لکھا تھا 'ریاست میں ایک بڑی آبادی بنکری کے پیشے سے وابستہ ہے۔ اس وبا میں ان کا پورا کاروبار ڈھپ ہوگیا ہے۔ بنکروں کو فوری راحت پہنچانے کی ضرورت ہے۔ بنکروں کے بجلی بل معاف کیا جائے اور ہر ایک بنکر کنبے کو فی ماہ 12ہزار روپئے نقصان کی تلافی کے طور پر فراہم کیا جائے۔ اسی طرح سے قالین کاروباریوں اور کاریگروں کو مالی مدد کی سخت ضرورت ہے۔ ان کے بنک قرض معاف کئے جائیں۔
