ریاست اتر پردیش کے ضلع سہارنپور میں بھیم آرمی کے قومی نائب صدر منجیت نوٹیال نے وزیر اعلیٰ یوگی آدتیہ ناتھ کو لےکر ایک متنازعہ بیان دیا ہے۔ منجیت نوٹیال نے کہا ہے کہ 'یوگی کا کام پوجا کرنا ہے۔ یوگی جی جنگل سے آئے ہیں اور وہ اتر پردیش کو جنگل راج بنادیے ہیں۔
یوگی حکومت صرف نام بدلنے میں مصروف: منجیت نوٹیال انہوں نے کہا کہ 'حکومت ایک خاص طبقے کو خوش کرنے کے لیے نام تبدیل کرنے میں مصروف ہے۔' انہوں نے کہا کہ 'یوپی میں اگر بھیم آرمی کی حکومت بنتی ہے تو سہارنپور میں یونیورسٹی کا نام شہید ویر عبدالحمید کے نام پر رکھا جائے گا۔'
بھیم آرمی کے قومی نائب صدر منجیت نوٹیال مختلف مطالبات کو لے کر سہارنپور ضلع کے بہٹ قصبہ کے روی داس مندر میں بھوک ہڑتال پر بیٹھے تھے۔ حالانکہ بھوک ہڑتال ختم ہونے کے بعد وہ کئی دنوں سے دھرنے پر بیٹھے ہیں۔ آج ان کی ہڑتال کو 100 دن مکمل ہوگئے ہیں۔
یہ بھی پڑھیں: یوپی میں ایک کروڑ طلبہ کو ملیں گے اسمارٹ فون-لیپ ٹاپ
ہڑتال کے 100 دن مکمل ہونے پر منجیت نوٹیال نے ریاستی حکومت پر سخت ناراضگی کا اظہار کیا۔ انہوں نے کہا کہ '100 دن گزر جانے کے بعد بھی کسی عہدیدار یا حکمران لیڈر نے ان کے مسئلے کو جاننے کی کوئی کوشش نہیں کی۔' انہوں نے کہا کہ آنے والے انتخابات میں بنگال والی جڑی بوٹی اس حکومت کو دینے کا کام کیا جائے گا۔'
