یوگی حکومت نے اتر پردیش شیعہ سنٹرل وقف بورڈ میں ایڈمنسٹریٹر مقرر کیا

یوگی حکومت نے وقف بورڈ کے سلسلہ میں ایک بڑا فیصلہ لیا ہے۔ یوگی حکومت نے اتر پردیش شیعہ سنٹرل وقف بورڈ میں ایڈمنسٹریٹر کو مقرر کیا ہے۔

شیعہ وقف بورڈ کے سابق چیئرمین وسیم رضوی سے متعلق ملک گیر تنازعہ کے بیچ یوگی حکومت نے وقف بورڈ کے حوالے سے ایک بڑا فیصلہ لیا ہے۔ یوگی حکومت نے اتر پردیش شیعہ سنٹرل وقف بورڈ میں ایڈمنسٹریٹر (ایڈمنسٹریٹیو) کو مقرر کیا ہے۔ پرنسپل سکریٹری اقلیتی بہبود بی ایل مینا کو شیعہ وقف بورڈ کی کمان سونپی گئی ہے۔

ریاست کی یوگی حکومت نے شیعہ وقف بورڈ میں انتخابات کرانے کے بجائے منتظم مقرر کیا ہے اور بورڈ کی ذمہ داری سونپی ہے۔ حکومت نے یہ ذمہ داری مشہور آئی اے ایس آفیسر بی ایل مینا کو سونپی ہے۔ بی ایل مینا بدھ سے شیعہ وقف بورڈ کی ذمہ داری سنبھالیں گے۔ واضح رہے کہ بی ایل مینا سماجی بہبود اور اقلیتی بہبود کے پرنسپل سکریٹری بھی ہیں۔