ڈاکٹر ایم اے صدیقی نے عازمین حج کو حج کے دوران شوگر لیول بہتر رکھنے کے نسخے بتائے اور ساتھ ہی شوگر لیول کا توازن بگڑنے کی وجوہات اور ان کے نقصانات کو تفصیل سے بیان کیا۔
دراصل حج کے دوران شوگر لیول کا توازن بگڑنے کے امکانات زیادہ ہوتے ہیں کیوںکہ یہاں کے مقابلہ وہاں کے ماحول اور لائیف اسٹائیل میں کافی فرق ہوتا ہے۔
حج کے دوران شوگر کے توازن کا بگڑنا عازمین کے لیے کافی نقصان دہ ہو سکتا ہے۔ ان میں شوگر لیول کا کم ہونا زیادہ خطرناک ہے کیوںکہ اس میں زیابیطس کے مریض بےہوش ہونے لگتے ہیں اور ان میں نقاہت آ جاتی ہے۔اس کے لیے عازمین حج کو مشورہ دیا گیا کہ وہ اپنے ساتھ ٹافی یہ شکر ضرور رکھیں۔ ہائی لیول والوں کو مشورہ دیا گیا کہ وہ اپنے ساتھ چنے یہ لو کیلوری والی بسکٹ لے جائیں اور کسی بھی صورت میں دوا لینا نہ بھولیں۔
حج کے دوران شوگر لیول کے کم ہونے کے امکانات زیادہ ہوتے ہیں۔ ایسے میں زیابیطس کے مریضوں کو یہ بھی مشورہ دیا گیا کہ شوگر لیول چیک کرنے کی مشین ضرور ساتھ لے جائیں کیوںکہ حج کے دوران شوگر لیول چیک کرانا بہت اہم ہے اور مصروفیت میں اس کا چھوڑ دینا خطرناک ہوسکتا ہے۔