بریلی میں ایک خاتون نے اپنے شوہر پر الزام لگایا ہے کہ انہوں نے بی جے پی کو ووٹ دینے پر ان کے ساتھ مار پیٹ کرکے گھر سے نکال دیا ہے۔ شوہر بی جے پی کو ووٹ دینے کی مخالفت کرتے ہوئے طلاق دینے کی دھمکی دے رہا ہے۔ جب کہ شوہر کے اہل خانہ کا کہنا ہے کہ بیٹے نے اپنی پسند کی شادی کی تھی۔ جس کی وجہ سے اہلِ خانہ نے اسے پہلے ہی بے دخل کردیا ہے۔ اب لڑکی جائیداد میں حصہ مانگ رہی ہے۔ جائیداد میں حصہ نہ دینے پر لڑکی نے ہنگامہ کھڑا کر دیا ہے۔ تاہم عظمیٰ نامی خاتون نے سی ایم یوگی آدتیہ ناتھ سے اس معاملے میں مداخلت کرنے کی اپیل کی ہے۔ اس سلسلے میں انہوں نے ’’میرا حق فاؤنڈیشن‘‘ سے رابطہ کیا ہے اور مدد و انصاف کی فریاد کی ہے۔ Woman Allegedly Threatened with Divorce for Voting for BJP, Husband's family Demands Probe
اس کے برعکس عظمیٰ کے شوہر کے رشتہ داروں نے ایس ایس پی سے پورے معاملے کی تحقیقات کی درخواست کی ہے۔ اہلِ خانہ کا کہنا ہے کہ یہ جھگڑا کافی عرصے سے چل رہا تھا۔ لڑکی کے فریق کے لوگ فیصلہ چاہتے تھے۔ اس سلسلے میں آٹھ دن پہلے پنچایت بھی ہوئی تھی۔ غور طلب ہے کہ متاثرہ عظمیٰ نے جگت پور علاقہ کے رہائشی تسلیم نامی نوجوان کے ساتھ محبت کی شادی کی تھی۔ تسلیم کو اہلِ خانہ نے من پسند کی شادی کرنے پر گھر سے نکال دیا تھا۔ عظمیٰ تسلیم کے اہل خانہ سے جائیداد میں حصہ مانگ رہی ہے۔ لہذا تسلیم کے اہلِ خانہ نے ایس ایس پی سے ملاقات کرکے انصاف کرنے کی درخواست کی ہے۔ ایس ایس پی نے پورے معاملے میں تحقیقات کرانے کے بعد کارروائی کرنے کی یقین دہانی کرائی ہے۔