اکھل بھارتی ہندو مہاسبھا کورونا ویکسین کے خلاف کیوں؟

انگلینڈ روس اور امریکا جیسے ممالک میں کورونا ویکسینیشن کی شروعات کے بعد اب جلد ہی بھارت میں بھی اس ویکسین کے پہنچنے کی امید کی جا رہی ہے۔ عوامی سطح پر کس طرح ویکسینیشن کی مہم کی شروعات کی جائے گی، اس کا اعلان نہیں کیا گیا ہے لیکن ویکسینیشن کو لے کر مختلف سماجی اور مذہبی جماعتوں سے تعلق رکھنے والے افراد اس تعلق سے الگ الگ رائے ظاہر رکھتے ہوئے اپنے تاثرات کا اظہار کر رہے ہیں۔

پوری دنیا کورونا وبا سے متاثر ہو رہی ہے۔ ایسے حالات میں آپ کورونا ویکسین بھارت میں بھی پہنچ رہی ہے۔ بھارت میں ویکسین کو لگانے کے متعلق ایک طرف جہاں میرٹھ میں جمیعت علماء ہند نے ویکسینیشن مہم کو کامیاب بنانے کے لیے حکومت کے ساتھ تعاون کی پیشکش کی ہے۔

وہیں دوسری جانب اکھل بھارتی ہندو مہا سبھا نے اس ویکسین کے کارگر ثابت ہونے پر عدم اعتماد کا اظہار کرتے ہوئے ویکسینیشن مہم کی کھل کر مخالفت کی ہے اور انہوں نے مزید کہا ہے کہ اس ویکسین کے اب تک مضر اثرات سامنے آرہے ہیں اس لیے وہ اس ویکسینیشن مہم کی مخالفت کر رہے ہیں۔

کورونا ویکسینیشن کو لیکر ایک طرف جہاں جمیعت علمائے میرٹھ کی جانب سے اس مہم کو اپنا تعاون دینے کی بات کہی جا رہی ہے وہیں دوسری جانب اکھل بھارتی ہندو مہا سبھا کی مخالفت سے ایک بات تو صاف ہے کہ ملک بھلے ہی کورونا ویکسینیشن کی شروعات ہو رہی ہے، لیکن اس مہم کو کامیاب بنانے میں سبھی ملی سماجی اور مذہبی تنظیموں کو آگے آنا ہوگا اسی وقت ہم اپنے ملک سے کورونا جیسی لعنت کا خاتمہ کر سکتے ہیں۔