غازی آباد میں شراب کی دکان پر پتھراؤ

ریاست اترپردیش کے ضلع غازی آباد میں شراب کی دکان کے مالک پر تین افراد نے پتھروں سے حملہ کیا جس کا ایک ویڈیو انٹرنیٹ پر وائرل ہوا ہے۔

پولیس کے مطابق یہ معاملہ اس وقت پیش آیا جب یہ افراد دکان کے مالک سے شراب مفت میں مانگ رہے تھے لیکن اس نے انکار کر دیا۔

انہوں نے کہا کہ شراب مفت میں نہ دینے پر ان تینوں افراد نے دکان کے مالک پر پھتراؤ کیا جس کا ایک ویڈیو انٹرنیٹ پر گشت کر رہا ہے۔

پولیس نے بتایا کہ اس معاملے میں ایک شخص کو گرفتار کر لیا گیا ہے اور دیگر دو ملزمان کی گرفتاری کے لیے کوششیں جاری ہیں۔