امروہہ: گایوں کی اسمگلنگ کرنے والا انعامی بدمعاش گرفتار

اترپردیش کے ضلع امروہہ کے حسن پور کوتوالی پولیس کو اطلاع ملی تھی کہ ضلع بجنور کا انعامی بدمعاش وسیم منگرولی گاؤں کے پاس چھپا ہوا ہے۔

مخبر سے ملی اطلاع کی بنیاد پر پولیس نے اسے پکڑنے کے لیے جال بچھا یا اور جیسے ہی پولیس وہاں پہنچی تب گائے کی اسمگلنگ کرنے والے انعامی بدمعاش وسیم نے پولیس پر فائرنگ کردی۔

جس کے بعد پولیس نے جوابی کاروائی کی اور مقابلے کے دوران 15 ہزار کا انعامی بدمعاش وسیم پیر میں گولی لگنے سے زخمی ہوگیا جسے پولیس نے گرفتار کرلیا جبکہ اس کا دوسرا ساتھی اندھیرے کا فائدہ اٹھا کر فرار ہونے میں کامیاب ہوگیا۔

پولیس نے بدمعاش کے قبضہ سے ایک کار، ایک گائے اور ذبیحہ میں استعمال ہونے والا چند سامان برآمد کیا ہے اور ملزم کو علاج کے لیے ضلع اسپتال داخل کرایا گیا ہے۔

پولیس سپرنٹنڈنٹ وپین ٹاڈا کے مطابق دھنورا علاقے میں سنہ 2015 میں بھی یہ بدمعاش پولیس کی کار کو ٹکر مارنے کے بعد فرار ہوگیا تھا جس میں دو پولیس اہلکار زخمی ہوئے تھے۔