نوئیڈا: ووٹر ریویژن انتخابی پروگرام کا آغاز

گوتم بودھ نگر ضلع کی اسمبلی کی نشست 62 دادری کے ریٹرنگ آفیسر / ڈپٹی ڈسٹرکٹ مجسٹریٹ دادری پرسون دیویدی نے علاقے کے تمام بی ایل اوز سے تبادلہ خیال کیا اور انہیں الیکشن کمیشن کے ووٹر ری ویژن انتخابی پروگرام کے بارے میں آگاہ کیا۔

معلومات دیتے ہوئے پرسون دویدی نے بتایا کہ 17 نومبر 2020 سے الیکشن کمیشن نے اس سیشن کے ووٹر ریویژن کمپین پروگرام کا آغاز کردیا ہے۔ تمام بی ایل اوز اپنے اپنے پولنگ بوتھس پر جمع ہوں گے اور نئے ووٹرز کو شامل کرنے کے لئے فارم کو پُر کریں گے۔

اس کے ساتھ ہی ووٹر لسٹ میں تبدیلیوں کے سلسلے میں 7/8 کو بھی پُر کیا جائے گا۔ ڈپٹی ڈسٹرکٹ مجسٹریٹ صدر / ریٹرننگ آفیسر پرسون دوویدی نے عام لوگوں سے اپیل کی ہے کہ تمام ووٹرز اپنے اپنے پولنگ بوتھس پر پہنچ کر اپنے ناموں کی تصدیق کرسکتے ہیں اور جن کے نام ووٹر لسٹ میں شامل نہیں ہیں وہ اپنا نام ووٹر لسٹ میں درج کرانے اور تبدیلی کرانے کے لئے پولنگ اسٹیشنوں پر اپنا فارم 6 ، 7 ، 8 بھر کر بی ایل او کو دستیاب کرا سکتے ہیں۔