سنہ 2014 میں وزیراعظم نریندر مودی نے باشندگان شہر سے وعدہ کیا تھا کہ وہ اس شہر کو جاپان کے شہر کیوٹو کی طرز پر ڈیولپ کریں گے لیکن ایسا نہیں ہوپایا، اب ایک بار پھر وزیراعظم اپنے پارلیمانی حلقے سے انتخابی میدان میں ہیں۔
وارانسی پارلیمانی حلقے سے اس وقت وزیراعظم نریندر مودی رکن پارلیمان ہیں اور دوبارہ یہاں سے انتخابات لڑنے سے پہلے انہوں نے روڈ شو کیا۔
ان دنوں مہاراشٹر نونرمان سینا کے صدر راج ٹھاکرے مختلف میٹنگ میں وزیراعظم مودی پر نکتہ چینی کر رہے ہیں اور ان کے سوال میں گنگا ندی کی صفائی کا معاملہ بھی شامل ہے۔
اس سلسلے میں ایک طرف جہاں ملاحوں اور سادھوؤں نے نریندر مودی کے کاموں کی ستائش کی اور گنگا ندی کی صفائی پر اطمینان کا اظہار کیا۔
تو دوسری طرف مقامی لوگوں نے گنگا ندی کی صفائی کو محض ایک دکھاوا قرار دیا اور یہ دعویٰ کیا کہ وزیراعظم کی آمد کے پیش نظر گنگا ندی کو صاف کیا گیا ہے۔
وزیراعظم نریندر مودی 26 اپریل کو وارانسی سے دوسری بار پرچہ نامزدگی داخل کریں گے اور اس موقع پر پارٹی کے کئی اعلیٰ رہنما ان کے ساتھ ہوں گے۔
