بنارس کے تھانہ آدم پورہ میں مرحوم ڈاکٹر رفیع پرویز کی موت گذشتہ برس دسمبر میں ہوئی تھی تاہم ان کی والدہ کو شبہ تھا کہ ان کے فرزند کی موت نہیں بلکہ ان کا قتل کیا گیاتھا-
بنارس کے تھانہ آدم پورہ کے علاقے سلیم پورہ میں ایک حیرت انگیز واقعہ پیش آیا، لاٹ سریاں میں واقع قبرستان سےایک لاش کو باہر نکالا گیا۔
مرحوم ڈاکٹررفیع کی والدہ کواپنے بیٹے کی طبی موت پر شبہ تھا انکا کہنا تھا کہ ڈاکٹر رفیع موت سے کچھ روز قبل اپنے سسرال گئےتھے، جہاں وہ اچانک بیمار ہو گئے۔ بیماری کے کچھ دن بعد انہیں علاج کے لیے بنارس لایا گیا تھا جہاں ان کی موت ہو گئی۔
مرحوم ڈاکٹر کی والدہ کا کہ ان کی بیٹے کی موت بیماری سے نہیں ہوئی ہے بلکہ انہیں زہر دیا گیا تھا۔
بیٹے کی موت سےپریشان والدہ نے اپنا شک دور کرنے کے لیےسرکاری دفاتر کا چکر لگانا شروع کیا، پولیس افسروں سے درخواست کی، جس کے بعد اعظم گڑھ کے افسروں نے وارانسی اے۔ڈی۔جی زون سے رابطہ کیا ۔اس کے بعد کیس کی تفتیش کے لیے ڈاکٹر رفیع کی لاش کو قبر سے نکال کر پوسٹ مارٹم کرانے کا فیصلہ کیا گیا ہے۔
اس پورے واقعہ کی ویڈیو گرافی بھی کرائی گئی ہے۔