زمین کے تنازع پر خاتون ہلاک، دو افراد گرفتار

جھڑپ کے دوران ہلاک شدہ خاتون کے دو بچے بھی شدید طور پر زخمی ہوگئے جنہیں علاج و معالجہ کے لیے ضلع اسپتال میں داخل کیا گیا۔

ریاست اترپردیش کے اتاوہ‎ شہر میں زمین کے تنازع پر دو گروہوں کے درمیان تصادم کے دوران ایک بزرگ خاتون کی ہلاکت کے بعد تین افراد کو حراست میں لیا گیا۔

پولیس اہلکاروں کے مطابق 'متاثرہ کا خاندان گذشتہ کئی برسوں سے خاندانی اراضی کو بانٹ دینے کے معاملے میں جھگڑا کر رہا تھا۔ بدھ کے روز دونوں کنبوں میں ایک بار پھر جھگڑا ہوا جس نے شدید رخ اختیار کر لیا۔ خاتون شکایت درج کروانے پولیس تھانے گئی جہاں پر کنبہ کے افراد نے اس پر حملہ کر دیا۔'

ہلاک خاتون کے فرزند نے کہا کہ 'جب ہم پولیس اسٹیشن سے واپس آرہے تھے تو کنبہ کے افراد نے ہمیں گھیر لیا اور پیٹنا شروع کر دیا۔ میری والدہ پر حملہ ہوا اور وہ شدید زخمی ہوئی جس کے بعد انہوں نے دم توڈ دیا۔'

سپرنٹنڈنٹ آف پولیس اوم ویر سنگھ نے کہا کہ 'یہ خاندان گذشتہ کئی برسوں سے زمین کے تنازع پر ایک دوسرے کے ساتھ جھگڑا کر رہا تھا۔ اس سلسلے میں تین ملزمان کو گرفتار کر لیا گیا ہے۔'

انہوں نے کہا کہ 'جب پولیس موقع پر پہنچی تو خاتون اپنے بچوں سمیت بے ہوشی پڑی ہوئی تھی۔ کارروائی کر کے انہیں فوری طور پر اسپتال منتقل کر دیا گیا لیکن خاتون پہلے ہی فوت ہوچکی تھی۔

انہوں نے کہا کہ اس معاملے میں کیس درج کر لیا گیا اور مزید تحقیقات جاری ہے۔