ایودھیا میں 25 فروری تک 144 نافذ

جمعرات کو ایودھیا کے ضلع مجسٹریٹ انوج کمار جھا نے کہا کہ دفعہ 144 ، 25 فروری تک اس ضلع میں نافذ رہے گا۔

یہ فیصلہ اترپردیش میں ترمیم شدہ شہریت ایکٹ کے بارے میں پرتشدد مظاہروں کے دوران نافذ کیا گیا ہے۔

احکامات کے تحت لوگوں کو ایودھیا میں کسی بھی پروگرام کے انعقاد کے لیے انتظامیہ کی اجازت لینا ہوگی۔

واضع رہے کہ اس ایکٹ میں 31 دسمبر 2014 کو یا اس سے پہلے بھارت آنے والے پاکستان ، افغانستان اور بنگلہ دیش سے تعلق رکھنے والے ہندوؤں ، سکھوں ، جینوں ، پارسیوں ، بودھوں اور عیسائیوں کو شہریت دی جائے گی۔