ریاست اتر پردیش کے مئو ضلع میں کل 25 مراکز پر مدرسہ تعلیمی بورڈ کے امتحانات منعقد کئے جارہے ہیں۔
یہ 22 مراکز مدارس میں قائم کئے گئے ہیں جبکہ یو پی بورڈ کے تین اسکولز میں مدرسہ تعلیمی بورڈ کے سنٹر بنائے گئے ہیں۔
مئو ضلع میں 6200 سے زائد طلبا و طالبات مدرسہ تعلیمی بورڈ کے امتحانات میں شامل ہورہے ہیں۔ ان میں منشی، مولوی، عالم و دیگر درجات کے امتحان کا انعقاد کیا جا رہا ہے۔
گزشتہ کئی برسوں سے مدرسہ تعلیمی بورڈ کے امتحانات میں یو پی بورڈ کے اسکولز کو ہی مرکز بنایا گیا تھا۔ لیکن اس برس یو پی ایجوکیشن بورڈ اور مدرسہ تعلیمی بورڈ کے امتحانات ایک ساتھ منعقد کرائے جانے سے سنٹر کے قیام میں تبدیلی کی گئی ہے۔
مدرسہ تعلیمی بورڈ کے سنٹرز پر تعینات امتحان انچارج کے مطابق' صاف و شفاف امتحانات منعقد کرانے کے لئے امیدواروں کے موبائل فون و دیگر ممنوعہ اشیاء رکھنے پر سختی سے پابندی عائد کی گئی ہے۔'
