ریاست اترپردیش میں کورونا وائرس کی وجہ سے پھنسے ہوئے طلبا کو ان کے گھر پھیجنے کے پیش نظر ریاستی یوگی آدتیہ ناتھ کی نے اپنی کوششیں تیز کردی ہیں۔
گوتم بدھ نگر ضلع مجسٹریٹ سہاس ایل وائی نے جمعہ کو اپنے آفیشل ٹویٹر ہینڈل پر ان طلبا کے لیے ایک آن لائن فارم جاری کیا گیا جو دوسرے ریاستوں سے ہیں اور وہ نوئیڈا میں پھنسے ہیں۔
واضح رہے کہ اس آن لائن فارم طلبا اپنی مختلف تفصیلات بھریں گے، جس میں نام پتہ والدین کا نام اور ان کی تفصیلات کورس یونیورسٹی اور ان کی ریاستوں کے بارے میں دیگر معلومات شامل ہیں
ڈی ایم نے اپنے ٹویٹ میں کہا کہ 'پیارے طلبا ریاستی حکومت کے احکامات کی تعمیل کرتے ہوئے یہ لنک مہاجر طلبہ کو ان کے گھروں کو واپس بھیجنے کے لیے تیار کیا گیا ہے، اس لیے آپ سے درخواست ہے کہ لنک پر کلک کریں اور مکمل تفصیلات بھریں۔
انہوں نے کہا اس تفصیلات کے بھرنے کے بعد جلد ہی آپ سے ای میل، ایس ایم ایس کے ذریعے رابطہ کیا جائے گا۔
واضح رہے کہ لنک لوگوں کو ایک نئے ویب پیج پر لے جاتا ہے جہاں طلبا کو تفصیلات بھرنے کے لیے ایک فارم تشکیل دیا گیا ہے۔
خیال رہے کہ اس میں بنیادی تفصیلات کے علاوہ فارم میں طلبا سے متعلق شناختی کارڈ اور میڈیکل رپورٹ بھی طلب کی گئی ہے۔