مفت طبی جانچ کیمپ کا اہتمام

آر کے وی پی ہیلتھ کیئر کونسل کے یوم تاسیس کے موقع پر آج نیلوٹھی گاؤں میں مفت طبی جانچ کیمپ کا اہتمام کیا گیا۔

اس موقع پر علاقائی رکن اسمبلی دھرم پال مہمان خصوصی کے طور پر موجود رہے۔ان کے علاؤہ ببینہ پون شوکین کارپوریشن کونسلر اور اشوک شوکین ضلعی صدر موجود تھے۔

ہیلتھ کیئر کونسل کے بانی ڈاکٹر راجیش اور ڈاکٹر ارچنا نے بتایا کہ اس ادارہ کی تشکیل خط افلاس کے نیچے زندگی بسر کرنے والے لوگوں کے مفاد اور فلاح کے لئے کی گئی ہے جن کو بنیادی سہولیات میسر نہیں ہیں۔

اس کے لئے ہماری تنظیم مستقل کوشش کر رہی ہے۔ یہ ادارہ نیتی آیوگ کے تحت رجسٹرڈ ہے اور صحت کی سہولیات کے لئے کام کر رہا ہے۔

مفت طبی جانچ کیمپ کا اہتمام

بانیان ڈاکٹر راجیش اور ڈاکٹر ارچنا نے بتایا کہ ہماری تنظیم سب کے ساتھ مل کر معاشرتی بہبود کے لئے کام کررہی ہے اور عوامی تعاون سے آگے بھی کوشش جاری رہے گی۔