اتر پردیش: ایس ڈی ایم اور ڈاکٹروں کے درمیان تنازعہ ختم

اتر پردیش کے مئو ضلع میں ایک کورونا پازیٹو مریض سامنے آنے کے بعد کوپاگنج قصبہ کو ہاٹ اسپاٹ قرار دے دیا گیا۔

یہاں محکمہ صحت کی 34 ٹیموں کے ذریعہ ڈور ٹو ڈور سروے کا کام جاری ہے۔

اسی دوران کسی مسئلے پر ٹرینی آئی اے ایس اتل وتس جو کہ ایس ڈی ایم صدر کے عہدے پر فائز ہیں اور سروے ٹیم میں شامل ڈاکٹروں کے درمیان تنازعہ پیدا ہو گیا۔

ڈاکٹروں نے ایس ڈی ایم صدر مئو پر بدتمیزی کا الزام عائد کرتے ہوئے سروے کا کام کرنے سے انکار کردیا۔

ہاٹ اسپاٹ قرار دئے گئے کوپاگنج قصبہ میں صورتحال مزید کشیدہ ہو گئی۔

ضلع مجسٹریٹ گیان پرکاش ترپاٹھی نے سروے سے منسلک تمام افسران کی ہنگامی میٹنگ منعقد کر اس مسئلے کو حل کرایا۔

کلکٹریٹ مئو میں منعقد میٹنگ کے بعد سروے ٹیم معمول کے مطابق دوبارہ کارفرما ہو گئیں۔