پرائمری اسکول کے طلبا کھدر پہنیں گے

بنکروں کی صنعت اور کھادی پروڈکٹس کو فروغ دینے کے لئے اتر پردیش کی یوگی حکومت نے بڑی پہل کی ہے۔

بابائے قوم مہاتما گاندھی کی 150 ویں سالگرہ پر انہیں خراج عقیدت پیش کرنے کے لیے اتر پردیش کے طلبہ کو کھادی کی ڈریس فراہم کرانے کا فیصلہ کیا ہے۔

ریاست کے چار اضلاع کے سات بلاک کے اسکولی طلبہ کو کھادی کی ڈریس فراہم کرائی جا چکی ہے۔ ابھی اس کے نتائج کا تجزیہ کیا جا رہا ہے۔ اگر اس عمل کے نتائج بہتر رہے تو جلد ہی تمام طلبہ کو کھادی کی ڈریس فراہم کرائی جائے گی۔کھادی کی ڈریس فراہم کرانے کا مقصد طلبہ کی صحت کو بھی درست کرنا ہے۔ کیوں ابھی طلبہ کو جو ڈریس مہیا کرائی جا رہی ہے۔ اس میں پولسٹر کی تعداد زیادہ ہوتی ہے۔ جو صحت کے لئے مناسب نہیں ہے۔