اتر پردیش: کووڈ 19 کے 45 نئے مریضوں انکشاف

اتر پردیش میں کورونا وائرس کے 45 نئے معاملات سامنے آئے ہیں، ان میں سے 31 کا تعلق لکھنئو سے، ایک سیتا پور سے ہے اور 13 کا تعلق آگرہ سے ہے۔

ریاست اترپردیش میں کورونا وائرس کے مریضوں کی تعداد میں مسلسل اضافہ ہو رہا ہے۔

ریاست کے 'کے جی ایم یو' کے ذریعہ 806 کورونا نمونوں کی جانچ کی گئی۔ جس میں 45 نئے کورونا مریض سامنے آئے جن میں سے 31 کا تعلق لکھنئو سے، ایک سیتا پور سے جبکہ 13 کا تعلق آگرہ سے ہے۔

لکھنئو میں پائے گئے 31 مثبت نمونوں میں سے 23 مَرد اور 8 خواتین، سیتا پور میں ملے ایک مثبت مریض مرد جبکہ آگرہ سے ملے 13 مریضوں میں سے 5 خواتین 8 مرد ہیں۔

مثبت مریضوں کی تصدیق ہونے کے بعد آگرہ اور لکھنئو میں ریڈ زون کی نشاندہی کی گئی ہے۔

تاہم سبھی کو آگرہ کے 'ایس این ایم سی' اور لکھنئو کے 'لیول 1 کووڈ 19' ہسپتال کے آئسولیشن وارڈ میں رکھا جا رہا ہے۔

دارالحکومت لکھنئو میں پائے گئے 31 نئے مریضوں کو سول ہسپتال، بلرام پور ہسپتال اور جی سی آر جی ہسپتال کے آئسولیشن وارڈ میں رکھا گیا ہے۔

کورونا وائرس کے 45 نئے کیس سامنے آنے کے بعد ریاست بھر میں اب تک دس ہزار 661 لوگوں کو ہوم کورنٹائن کیا جا چکا ہے۔

واضح رہے کہ ریاست اتر پردیش میں مریضوں کی کل تعداد اب بڑھ کر 705 ہوگئی ہے۔