Urdu Signboard Removed from UP Haj Committee: اترپردیش حج کمیٹی کے دفتر سے اردو سائن بورڈ غائب

اترپردیش حج کمیٹی کے دفتر کے مرکزی گیٹ پر نصب اردو سائن بورڈ کو ہٹاکر اب صرف ہندی سائن بورڈ کو نصب کردیا گیا ہے جس سے اردو داں طبقے میں ناراضگی پائی جارہی ہے۔ Urdu Signboard Removed from UP Haj Committee

لکھنؤ: اترپردیش حج کمیٹی کے دفتر کے مرکزی گیٹ پر لگے اردو سائن بورڈ کو ہٹاکر صرف ہندی میں سائن بورڈ لگایا گیا ہے جس سے اردو داں طبقے میں ناراضگی پائی جارہی ہے۔ Urdu Signboard Removed from UP Haj Committee

اس حوالے سے ای ٹی وی بھارت کے نمائندہ نے یوپی حج کمیٹی کے چیئرمین محسن رضا سے فون پر بات چیت کی تو انہوں نے کہا کہ بورڈ لگانے کا کام ریاستی محکمہ مالیات نے کیا ہے۔ اس میں حج کمیٹی کا کوئی عمل دخل نہیں ہے۔ اس بورڈ کے علاوہ کمیٹی کے دفتر میں متعدد مقامات پر اردو میں نام پلیٹ لگے ہوئے ہیں۔ لہذا حج کمیٹی کو اردو سے کوئی دشمنی نہیں ہے اردو مسلمانوں کی زبان نہیں ہے بلکہ بھارتی زبان ہے۔

محسن رضا نے اردو اکادمی کا بھی ذکر کرتے ہوئے کہا کہ اس کے بورڈ پر بھی ہندی میں لکھا ہوا ہے تو کیا اب اردو اکادمی بھی اردو کے خلاف ہے؟

وہیں اردو زبان و ادب کے فروغ کے لیے کام کرنے والی تنظیم کے صدر عبدالنصیر ناصر نے کہا کہ یہ قدم سراسر غلط ہے اور اردو کے ساتھ ناانصافی ہے۔ ہم حکومت اور چئیرمین سے مطالبہ کریں گے کہ اردو زبان میں دوبارہ سائن بورڈ لگایا جائے۔ Urdu signboard was removed from Uttar Pradesh Haj Committee office

واضح رہے یوپی حج کمیٹی کا دفتر اس سے قبل میں بھی سرخیوں میں رہا تھا جب بی جے پی کی حکومت آئی تو حج کمیٹی کے دفتر کو بھگوا رنگ میں رنگ دیا گیا تھا لیکن کچھ ملی تنظیموں کی مخالفت کے بعد اسے پھر سے سفید کیا گیا، لیکن سائن بورڈ سے اردو ہٹانے کا معاملے اب طول پکڑتا جارہا ہے۔