یوپی سی اے کے صدر یدوپتی سنگھانیہ کا انتقال

اترپردیش کرکٹ ایسوسی ایشن (یو پی سی اے) کے صدر اور نامور صنعتکار یدوپتی سنگھانیہ کا طویل علالت کے بعد جمعرات کے دن سنگاپور کے ایک ہسپتال میں انتقال ہوگیا۔

یدوپتی سنگھانیہ67 سال کے تھے۔ سنگھانیہ کو گردے کی بیماری کے بعد کانپور سے لایا گیا تھا اور انہیں گذشتہ ہفتے سنگاپور کے ایک ہسپتال میں داخل کرایا گیا تھا، جہاں آج انہوں نے آخری سانس لی۔

انڈین انسٹی ٹیوٹ آف ٹکنالوجی (آئی آئی ٹی ) کے ایلومنائی سنگھانیہ گذشتہ چھ سالوں سے یوپی سی اے کے صدر تھے۔ انہوں نے کرکٹ اور دیگر کھیلوں کے فروغ میں بے حد تعاون کیا۔ سنگھانیہ خاندان کے تیسری نسل کے رکن یدوپتی کو بھی اپنے آباؤ اجداد کی طرح کھیلوں میں خاص دلچسپی تھی۔ کانپور کے علاقے زریب چوکی میں واقع 'کملا کلب' سنگھانیہ خاندان کے کھیلوں میں دلچسپی کا منہ بولتا ثبوت ہے۔