پاکستان میں بات کرنے والا سلیم خان گرفتار

یو پی ایس ٹی ایف نے ایودھیا کے روہانی سے پاکستان میں بات کرنے والے سلیم خان کو گرفتار کر لیا ہے۔ سلیم خان نیپال کا رہنے والا ہے اور اپنی پہچان چھپا کر یہاں رہتا تھا۔

اتر پردیش کے ضلع ایودھیا کے روہانی تھانہ حلقہ سے نیپال کا شہری سلیم کو ایس ٹی ایف نے گروفتار کیا ہے۔

اے ڈی جی ایس ٹی ایف امیتابھ یش نے صحافیوں کو بتایا کہ سلیم خان اپنی پہچان چھپا کر ایودھیا کے ایک مدرسہ میں بچوں کو تعلیم دے رہا تھا۔

جانکاری کے مطابق سلیم فون سے پاکستان و دوسرے ممالک بات کرتا تھا۔ اس کے پاس سے آدھار نمبر، پاسپورٹ اور بینک اکاؤنٹ پر الگ الگ پیدائش کی تاریخ درج ہے۔ اس نے یہ دستاویز فرضی طریقے سے بنوائے ہیں۔

اے ڈی جی ایس ٹی ایف امیتابھ یش کے مطابق اس کے موبائل نمبر سے چیٹ اور نیٹ کالینگ ہوئی ہے۔ ابھی یہ نہیں معلوم ہوا کہ سلیم کس سے رابطے میں تھا۔

ذرائع کے مطابق حیدرآباد شہر سے اٹھائے گئے نوجوان سے ملی جانکاری کی بنیاد پر ایودھیا سے سلیم خان، اناؤ سے شاہد جو میانمار کا رہنے والا ہے اور نوئیڈا سے بھی میانمار کے رہنے والے ایک افراد کو گرفتار کیا گیا۔