ریاست اترپردیش کے شہر رامپور میں ضلع انتظامیہ کی جانب سے بڑی کارروائی کی گئی ہے۔ بھرے بازار کی پچاس سال پرانی دکانوں کو غیر قانونی بتاکر بلڈوزرچلانے کا حکم دیا۔ دکانداروں کا الزام ہے کہ بغیر کسی پیشگی نوٹس کے انتظامیہ نے اپنی کاروائی کو انجام دیا ہے۔
وہیں کچھ دکاندار موقع پر اپنی دوکان کے کاغذات بھی ایس ڈی ایم کو دکھا رہے تھے۔ اس کے باوجود پانچ سے چھ دوکانوں کو توڑ دیا گیا۔ ویاپارمنڈل کے عہدیداران نے موقع پر پہنچ کر ڈی ایم سے بات کرکے کاروائی کو دو دن کا وقت مانگ کر رکوایا۔
اس درمیان جب ہم نے ایس ایم ایس صدر پریم پرکاش تیواری سے اس کارروائی کے متعلق جانکاری لی تو انہوں نے کہا کہ یہ دوکانیں غیر قانونی طریقے سے بنی ہوئی ہیں اس لئے یم اس پر اپنی کارروائی کر رہے ہیں۔
وہیں موقع پر پہنچے ادیوگ ویاپار منڈل کے ضلع صدر شیلیندر شرما نے ضلع انتظامیہ آنجنئے کمار سنگھ سے فون پر رابطہ کرکے دوکانداروں کو کاغذات پیش کرنے کے لئے دو دن کا وقت مانگ کر مزید کارروائی کو رکوایا۔ اس درمیان انہوں نے انتظامیہ کی اس کارروائی پر اعتراض جتاتے ہوئے کہا کہ دوکان دوکانداروں کو بغیر نوٹس دیے اس طرح سے آکر توڑ پھوڑ مچا دینا کسی بھی طرح مناسب نہیں ہے۔