بلاک پرمکھ نے ضلع پنچایت ممبر کے لئے پرچہ نامزدگی داخل کی

اترپردیش کے ضلع سہارنپور میں پہلے مرحلے کے تحت پنچایتی انتخابات ہونے والے ہیں۔سہارنپور میں 3 اور 4 اپریل کو انتخابات میں حصہ لینے والے بلیا کھیڑی بلاک کے بلاک پرمکھ عمران ملک نے وارڈ 40 سے ضلع پنچایت ممبر عہدے کے لئے کاغذات نامزدگی داخل کی۔

ریاست اترپردیش کے ضلع سہارنپور کے بلیا کھیڑی بلاک کے بلاک پرمکھ عمران ملک نے وارڈ 40 سے ضلع پنچایت ممبر عہدے کے لئے کاغذات نامزدگی جمع کرائے۔عمران ملک کے نامزدگی کاغذات داخل کرانے کے لئے بی ایس پی کے رکن پارلیمان حاجی فضل الرحمن اور سابق ایم ایل اے جگپال سنگھ کے علاوہ بی ایس پی عہدیداروں کی ایک بڑی تعداد ضلع ہیڈ کوارٹر پہنچی۔

واضح رہے کہ اترپردیش میں تین سطحی پنچایتی انتخابات کی تیاری زوروں پر ہے اور پہلے مرحلے میں انتخابات مغربی اترپردیش بشمول سہارنپور ضلع میں ہونا ہے۔ ضلع سہارنپور میں 3 اور 4 اپریل کو انتخابات میں حصہ لینے والے امیدوار کاغذات نامزدگی جمع کرنے کے لئے کلکٹریٹ کے احاطے میں پہنچ رہے ہیں۔ اسی دوران نامزدگی کیلئے پہنچنے والا ایک شخص پولیس سے ناراض ہوگیا۔ بتایا جارہا ہے کہ یہ شخص بھاگ دوڑ کے درمیان سے ہی لائن میں داخل ہونے کی کوشش کر رہا تھا ، جس میں پولیس اہلکاروں نے اسے روکنے کی کوشش کی اور وہ شخص پولیس پر بھڑک گیا۔ پولیس اہلکار اور مذکورہ شخص کے مابین بحث ہوگئی،اس دوران اس شخص نے پولیس اہلکار کو معطل کرانے کی دھمکی دی۔