کروڑوں روپئے کا بجلی بل، صارف کے ہوش فاختہ

اترپردیش کے ضلع ہاپوڑ میں محکمہ بجلی کی لاپرواہی کی وجہ سے صارفین کو بھیجا گیا 128 کروڑ روپے سے زائد بجلی کا بل، صارفین کے ہوش اڑ گئے

اترپردیش کے ضلع ہاپوڑ میں بجلی محکمے کی لاپرواہی کی وجہ سے ایک ایسا واقعہ پیش آیا ہے جسے سن کر ہر کوئی حیران و پریشان ہو سکتا ہے۔ ہاپوڑ کے چمری میں رہنے والے شمیم کو بجلی محکمہ نے 1 ارب ،28 کروڑ ، 45 لاکھ ، 95 ہزار ، 4 سو ، 44 روپئے کا بل بھیج دیا ہے۔ بل دیکھ کر صارفین کے ہوش فاختہ ہوگئے وہ بھاگتے ہوئے بجلی محکمہ کے دفتر پہونچا اور پوری بات بتائی لیکن اس کی مدد کرنے کے بجائے اسے بل کی ادائیگی کرنے کو کہا گیا۔ صارفین بجلی حکمہ کے دفتر کا چکر کاٹ کاٹ کر پریشان ہو گیا ہے لیکن اس کی پریشانیاں حل نہیں ہو رہی ہیں۔

بجلی محکمے کو جب اس بات کا علم ہوا تو انہوں نے اسے تکنیکی خرابی بتایا۔ ان لوگوں کا کہنا ہے کہ اس کو ٹھیک کر دیا جائیگا۔ جبکہ شمیم کا کہنا ہے کہ بجلی کا بل ہر مہینے سات ،آٹھ سو روپئے ہی آتا تھا لیکن اس بار جب میں نے بل دیکھا تو میرے ہوش اڑ گئے۔ میں کئی دن سے بل ٹھیک کرانے کے لئے بجلی محکمے کے دفتر کا چکر کاٹ رہا ہوں لیکن کوئی اسے ٹھیک کرنے کو تیار نہیں ہے۔ اس پر صوبہ کے وزیرتوانائی نے کہا ہے کہ ایسا تکنیکی خرابی کی وجہ سے ہوا ہوگا اور اس کو جلد ٹھیک کر لیا جائیگا۔