سونبھدر سانحہ: وزیراعلی یوگی کی سیاست جاری

ریاست اترپردیش کے ضلع سونبھدر میں پیش آئے زمینی تنازعے میں دس افراد کو گولی مار کر ہلاک کر دیا گیا تھا۔

ریاست کے وزیراعلیٰ یوگی آدتیہ ناتھ نے بتایا کہ اس واردات کو انجام دینے والا پردھان یگ دت سماج وادی پارٹی کا کارکن ہے اور اس کا بھائی بی ایس پی پارٹی کا کارکن ہے۔ یہ لوگ سیاسی موقع پرست ہیں۔

انہوں نے دونوں پر سخت نکتہ چینی کرتے ہوئے کہا کہ یہ لوگ جس کا پلڑا بھاری رہتا ہے، اس پارٹی میں شامل ہو جاتے ہیں اور سیاسی طاقت کا غلط فائدہ اٹھاتے ہیں۔

وزیراعلیٰ نے بتایا کہ سنہ 2012 سے 2017 تک انہیں لوگ دیکھ چکے ہیں کہ وہ اپنے منصوبے میں کامیاب نہیں ہو پائے۔ اس لیے اب انہوں نے ایسے حادثے کو انجام دیا ہے۔

انہوں نے کہا کہ 'جو غریبوں اور دلتوں کی زمین پر قبضہ کرتے ہیں، ایسے لوگوں کے لیے 'اینٹی لینڈ مافیا ٹاسک فورس' بنایا گیا ہے جس سے ان کا بچ پانا ممکن نہیں ہوگا۔'