ریاست اترپردیش کے بارہ بنکی میں لاک ڈاؤن کے دوران بے گھر اور غریب طبقے کے افراد کو کسی قسم کی پریشانی نہ ہو اس کے لئے انتظامیہ کمر بستہ ہو گئی ہے۔
بارہ بنکی : بے گھروں کی مدد کے لئے انتظامیہ کمربستہ
بارہ بنکی میں لاک ڈاؤن کے دوران بے گھر اور غریب طبقے کے افراد کو کسی قسم کی پریشانی نہ ہو اس کے لئے انتظامیہ کمر بستہ ہو گئی ہے۔
انتظامیہ پکے کھانے کے ساتھ ان لوگوں کو کچے کھانے کی ایک کٹ تقسیم کر رہی ہے۔ جس سے غریب اور بے سہارا افراد کو کسی قسم کی پریشانی نہ ہو۔
جمعہ کو ضلع مجسٹریٹ آدرش سنگھ کی قیادت میں اسٹیشن روڈ کے دونوں جانب فوٹ پاتھ پر بیٹھے بے سہارا افراد کو کھانے کے پیکیٹ تقسیم کئے۔
انتظامیہ نے تاجروں کی مدد سے اسٹیشن روڈ کے علاوہ شہر کے تمام محلوں میں غریب اور بے سہارا افراد کو فوڈ پیکیٹ تقسیم کئں۔ ضلع مجسٹریٹ نے بتایا کہ پکے کھانے کے پیکیٹ کے علاوہ اب وہ کچے کھانے کی ایک کٹ تیار کرکے اسے تقسیم کر رہے ہیں۔ جس سے یہ افراد کبھی بھی کھانا پکا کر کھا سکیں اور بھوکے نہ رہیں۔