امت شاہ آج لکھنئو دورے پر

مرکزی وزیر داخلہ امت شاہ آج ریاست اترپردیش کے دارالحکومت لکھنؤ کے دورے پر ہوں گے جہاں وہ مختلف پروجیکٹ کا افتتاح کریں گے۔

وزیر داخلہ امت شاہ آج صبح 9 بجے لکھنئو ایئر پورٹ پہنچیں گے۔

تفصیلات کے مطابق امت شاہ لکھنئو میں ایک میٹنگ میں بطور مہمان خصوصی شریک ہوں گے جس میں ملک میں تجارت کو مزید فروغ دینے کے بارے میں غور و خوض کیا جائے گا۔

وزیر داخلہ آج 9 بجے لکھنؤ کے اموسی ایئر پورٹ (چودھری چرن سنگھ انٹرنیشنل ایئرپورٹ) پہنچیں گے، جہاں پر بی جے پی کے متعدد رہنما ان کا استقبال کریں گے۔

واضح رہے کہ اس میٹنگ کے ذریعے ملک میں بزنس کو فروغ دینے پر بحث ہوگی۔

جبکہ اس دوران امت شاہ تقریباً 65 ہزار کروڑ روپے لاگت کے مختلف منصوبوں کا افتتاح بھی کریں گے۔

اس میٹنگ میں ملک کے متعدد بڑے تاجروں کی شرکت متوقع ہے۔