ماموں نے بھانجے کو اغواء کیا

ریاست اترپردیش کے ضلع بارہ بنکی میں 10 برس کے بچے کو اسی کے ماموں نے اغواء کیا تھا لیکن پولیس کی مستعدی سے بچے کو بچا لیا گیا۔

پیسوں کے لیے انسان رشتوں کو بھی نظر انداز کر دیتا ہے اسی طرح کا ایک واقعہ بارہ بنکی میں پیش آیا جہاں ایک شخص نے اپنے ہی بھانجے کو اغوا کر لیا۔

تفصیلات کے مطابق ملز سدھیر کمار عرف راجو کی بیوی اس سے علاحدہ رہتی تھی اور بیوی کو پیسے بھیجنے کے لیے اس نے اپنے بھانجے کو اغوا کیا تھا لیکن منصوبہ ناکام ہوتا ہوا دیکھ کر اس نے بچے کو چھوڑ کر بھاگنے کی کوشش کی لیکن پولیس کی گرفت سے نہیں بچ سکا۔

حالاںکہ پولیس نے بچے کو 24 گھنٹوں میں ہی دھونڈ لیا تھا لیکن ملزم پولیس کی گرفت میں نہیں آسکا تھا۔

ملزم نے بچے کو اغوا کرکے 20 لاکھ روپے تاوان کا مطالبہ کیا تھا لیکن وہ اپنے منصوبے میں ناکام ہو گیا۔

بالآخر گزشتہ روز پولیس کو کامیابی حاصل ہوئی اور اس نے ملزمین کو گرفتار کر لیا۔

اس جرم میں سدھیر کا ساتھ دینے والے والے کے دیگر تین ساتھیوں کو بھی گرفتار کیا اور ان کے قبضے سے ایک کار، تیم موبائیل فون، دو طمنچے اور کارتوس برآمد کئے ہیں۔

گرفتار شدگان کا نام سدھیر کمار، جوگی، جیتیندر کمار اور رامجی ہے۔