اترپردیش کے ضلع متھرا کے ورنداون کوتوالی علاقے میں فیچری نامی گاؤں کے کھیت میں واقع ٹیوبویل کے کمرے میں دو نوجوانوں کی لاش لٹکتی ملی، اس واقعے کی خبر ملتے ہی علاقے میں سنسنی پھیل گئی۔
واقعے کی اطلاع ملتے ہی پولیس موقع پر پہنچی اور دونوں لاشوں کو قبضے میں لے کر پوسٹ مارٹم کے لیے بھیج دیا۔
دونوں نوجوانوں کی عمر 25 برس بتائی جارہی ہے۔ قتل اور خودکشی دونوں ہی معاملوں پر پولیس غور کر رہی ہے۔
اطلاع کے مطابق فیچری گاؤں کے رہنے والے ابھیشیک اور ستیندر دونوں میں گہری دوستی تھی، گزشتہ شب دونوں موٹر سائیکل لے کر باہر نکلے تھے۔ آج صبح مقامی افراد جب کھیت پہنچے تو دونوں کی لاش ٹیوبویل میں لٹکتی پائی۔
سی او صدر رمیش چندر تیواری نے بتایا کہ کھیت میں بنے ٹیوبویل کے کمرے میں دو نوجوانوں کی لاش پھانسی سے لٹکتی ملی ہے، دونوں کی عمر 25 برس بتائی جارہی ہے۔
انہوں نے بتایا کہ ستیندر فیچری گاؤں کا رہنے والا ہے جبکہ ابھیشیک چھٹکیرا کا رہنے والا ہے۔ دونوں کی لاشوں کو قبضے میں لے کر پوسٹ مارٹم کے لیے بھیجوا دیا گیا ہے۔ وہیں متوفی کے اہل خانہ نے نا معلوم افراد کے خلاف مقدمہ درج کرایا ہے، معاملے کی جانچ کی جارہی ہے۔