گئوکشی معاملے میں دو پولیس افسران معطل

اترپردیش کے ضلع پیلی بھیت میں ریاستی حکومت نے گئوکشی معاملے میں لاپروائی برتنے کے الزام میں دو پولیس افسران کو معطل اور تین کو لائن حاضر کیا گیا ہے۔

اترپردیش حکومت نے گئوکشی پر لگام لگانے کے لیے سخت احکامات جاری کیے ہیں۔

پیلی بھیت میں گئوکشمی معاملے میں لاپروائی برتنے والے پولیس اہلکاروں پر بڑی کارروائی کرتے ہوئے کل 5 پولیس اہلکاروں کو سزا دی گئی ہے۔ ایس پی نے دو پولیس افسران کو معطل کردیا ہے جبکہ تین کسی بھی قسم کے آپریشن کو انجام دینے سے عارضی طور پر روک دیا گیا ہے۔

ایس پی منوج کمار کا کہنا ہے کہ' گزشتہ کئی دنوں سے متعدد تھانوں میں گئوکشی کی شکایتیں موصول ہورہی تھیں لیکن اس کے باوجود ان پولیس تھانوں کے اہلکاروں نے سستی کا مظاہرہ کرتے ہوئے ان شکایات پر کوئی توجہ نہیں دی تھی جس کی بنأ پر ان کے خلاف یہ قدم اٹھایا گیا۔