فرضی مسلم پہچان سے بم کی دھمکی دینے والے دو افراد گرفتار

Two persons arrested for bomb threat in Lucknow Utter Pradesh اتر پردیش کی پولیس نے ایودھیا کے رام مندر اور وزیراعلی یوگی آدتیہ ناتھ کو بم سے اڑانے کی دھمکی دینے والی سوشل میڈیا پوسٹ پر لکھنو کے گومتی نگر سے دو لوگوں کو گرفتار کیا ہے۔

لکھنؤ: اتر پردیش کے وزیر اعلی یوگی آدتیہ ناتھ اور ایودھیا کے رام مندر کو دھماکے سے اڑانے کی دھمکی دینے کے الزام میں دو افراد کو گرفتار کیا گیا ہے۔ ایک بیان کے مطابق اتر پردیش کی خصوصی ٹاسک فورس کی ایک ٹیم نے تہار سنگھ اور اوم پرکاش مشرا کو لکھنؤ کے گومتی نگر کے وبھوتی کھنڈ علاقے سے گرفتار کیا ہے۔

bomb threat in Lucknow

بیان میں کہا گیا ہے کہ دونوں نے نومبر میں ایکس پر ایک پوسٹ میں وزیراعلی یوگی آدتیہ ناتھ، ایس ٹی ایف کے سربراہ امیتابھ یش اور ایودھیا کے رام مندر کو بم سے اڑانے کی دھمکی دی تھی۔ اس میں کہا گیا کہ ابتدائی طور پر تحقیقات سے پتہ چلا ہے کہ 'عالم انصاری اور زبیر خان' نام سے دو جعلی ای میل آئی ڈیز کو دھمکی آمیز پوسٹس بھیجنے کے لیے استعمال کیا گیا تھا۔

bomb threat in Lucknow

ای میل آئی ڈیز کے تکنیکی تجزیہ کے بعد پتہ چلا کہ تہار سنگھ نے ای میل اکاؤنٹس بنائے اور اوم پرکاش مشرا نے دھمکی آمیز پیغامات بھیجے۔ بیان میں کہا گیا ہے کہ سنگھ اور مشرا دونوں گونڈا کے رہائشی ہیں اور ایک پیرا میڈیکل انسٹی ٹیوٹ میں کام کرتے ہیں۔ اس نے مزید کہا کہ ایس ٹی ایف معاملے کی مزید تحقیقات کر رہی ہے۔