مظفر نگر انکاؤنٹر میں دو انعامی بد معاش زخمی

ریاست اترپردیش کے ضلع مظفر نگر میں گزشتہ دیر رات میں تھانہ پور کازی کی پولیس جب پیٹرولنگ کررہی تھی تبھی انھوں نے ایک مشتبہ موٹر سائیکل سوار کو روکنے کی کوشش کی۔

مظفر نگر کے تھانہ پورکازی کے علاقہ دھمات گنگ نہر میں پولیس نے چیکنگ کے دوران موٹرسائیکل پر سوار افراد کو رکنے کا اشارہ کیا لیکن وہ رکے نہیں اور وہاں سے بھاگنے لگے تب ہی پولیس نے ان کا پیچھا کیا توان لوگوں نے پولیس پر فائرنگ شروع کردی۔

اس درمیان پولیس اور ان کے درمیان تصادم ہوا اور اس تصادم میںں گولی لگنے کے سبب ظفر اور شوقین نامی دو انعامی بدمعاش زخمی ہوگئے جبکہ ان کا یک ساتھی فرار ہوگیا۔

زخمی بدمعاشوں کو پولیس نے اپنی گرفت میں لے کر علاج کے لیے اسپتال روانہ کردیا۔ بدمعاشوں کے قبضے سے ایک موٹرسائیکل، بندوق، کارتوس برآمد کیے گئے ہیں۔

گرفتار بدمعاشوں پر لوٹ، ڈکیتی اور گینگسٹر جیسی سنگین دفعات کے 10 سے زائد مقدمات درج ہیں۔ دونوں بدمعاشوں پر 15/15 ہزار کا انعام رکھا ہوا تھا۔