ریاست اترپردیش کے ضلع سہارنپور میں آج الگ، الگ مقامات پر پیش آئے سڑک حادثوں میں ایک بچی سمیت دو افراد کی موت ہوگئی، جبکہ دیگر دو خواتین زخمی ہوگئیں۔
اطلاع کے مطابق چاندپور مجبتر گاؤں باشندہ گنگا عرف چھوٹوعمر 19 برس دیوبند کے لبکری گاؤں سے موٹر سائیکل پر سوار ہوکر اپنے گاؤں لوٹ رہا تھا اسی درمیان بلیڈا پلیا کے نزدیک ایک تیز رفتار گاڑی نے اسے ٹکر مار دی، اس حادثے میں چھوٹو کی موقع پر ہی موت ہوگئی۔
پولیس نے ایف آئی آر درج کرنے کے بعد لاش کو پوسٹ مارٹم کے لیے بھیج دیا، تاہم ایک دیگر حادثے میں ٹرکٹر، ٹرالی کی زد میں آنے سے ایک بچی کی موت ہوگئی۔
انہوں نے بتایا کہ اسلام نگر گاؤں باشندہ راج بالا ایک شخص کی موٹر سائیکل میں سوار ہوکر کسی رشتہ دار کے یہاں جارہے تھے، اسی دوران راستے میں نانوتا چینی مل خرید مرکز کے نزدیک ایک تیز رفتار ٹرکٹر، ٹرالی نے ان کی موٹر سائیکل کو ٹکر مار دی۔
اس حادثے میں موٹر سائیکل سوار سمیت ایک سالہ معصوم بچی کی موت ہوگئی، جبکہ دیگر دو خواتین شدید طور سے زخمی ہوگئیں، تاہم پولیس نے ٹرکٹر کو اپنے قبضے میں لے لیا ہے۔