کانپور: ایک ہی دن میں تین طلاق کے دو کیسز درج

ریاست اترپردیش کے ضلع کانپور میں ایک ہی دن میں طلاق ثلاثہ کے دو کیسز سامنے آئے ہیں، شکایت ملنے پر ایڈیشنل کمشنر پریم پرکاش نے ایف آئی آر درج کرنے کا حکم دیا ہے۔

مودی حکومت نے بھلے ہی مسلم خواتین کے لیے طلاق ثلاثہ کا قانون لاگو کروادیا ہے لیکن کانپور میں ایک ہی دن میں دو مختلف کیسز میں شوہروں نے فون پر اپنی بیویوں کو طلاق دے دی۔

اس معاملے کی شکایت متاثرہ خواتین ریحانہ خاتون اور طاہرہ بانو نے پولیس میں کی۔ریحانہ خاتون کا نکاح 2014 میں ہوا تھا جبکہ طاہرہ کا نکاح گزشتہ برس کے اواخر میں ہوا تھا۔

متاثرہ خواتین کا الزام ہے کہ ان کے شوہر جہیز کے لیے ان سے مارپیٹ کیا کرتے تھے جس کی شکایت انھوں نے پہلے بھی پولیس میں کی تھی۔ لیکن گزشتہ روز دونوں شوہروں نے اپنی بیویوں کو یہ کہہ کر طلاق دے دیا کہ انھیں کسی کیس کا ڈر نہیں ہے۔