نوئیڈا: جعل سازی کے معاملے میں دو افراد گرفتار

پولیس نے جعل سازی کے معاملے میں سالور گینگ کے دو افراد کو آج گرفتار کیا ہے تاہم اس گروہ کا سرغنہ انکم ٹیکس انسپکٹر ابھی تک فرار ہے ۔

نوئیڈا: سالور گینگ کے دو افراد کو پولیس نے جعل سازی کے معاملے میں آج گرفتار کیا ہے تاہم اس گروہ کا سرغنہ انکم ٹیکس انسپکٹر ابھی تک فرار ہے ۔

اطلاعات کے مطابق سالور نامی گروہ فرضی طور پر امتحان دلاکر دہلی پولیس اور بھارتی فوج میں نوکری دلاتی تھی جس کے عوج میں سالور گروہ کا سرغنہ امیدوار سے 10 سے 15 لاکھ کی رقم وصول کرتا تھا ۔

نوئیڈا پولیس نے خفیہ اطلاع کے بنیاد پر متعدد مقامات پر چھاپے ماری کرکے گروہ کے دو افراد کو گرفتار کیا ہے، پولیس نے ان کے پاس 147 ایڈمٹ کارڈ بھی برآمد کئے ہیں۔ حالانکہ اس معاملے میں دہلی پولیس کے 2 کانسٹیبلوں سمیت 13 ملزمین کو اب تک گرفتار کرچکی ہے۔

وہیں نوئیدا پولیس کا کہنا ہے کہ وہ اسٹاف سلیکشن کمیٹی اور فوج کو خط لکھے گی، جس میں جعلی طریقے سے نوکری حاصل کرنے والوں کے خلاف کاروائی کرنے کا مطالبہ کرے گی ۔