اے ایم یو کے دو طلبہ گرفتار

معروف علی گڑھ مسلم یونیورسٹی (اے ایم یو) کے دو طلباء کو پولیس نے گرفتار کیا ہے ۔بتایا جارہا ہے کہ یہ دونوں طلبہ شہریت ترمیمی قانون کے خلاف اے ایم یو کیمپس میں احتجاجی سرگرمیوں میں متحرک تھے اور ان کے خلاف پہلے سے ہی ایف آر درج تھی۔

علی گڑھ مسلم یونیورسٹی کے دو طلباء کو علیگڑھ پولیس نے مڈراک سے گرفتار کیا ہے۔کچھ روز قبل لاک ڈاؤن کے دوران ہی طلبہ لیڈر عامر منٹو کو بھی پولیس نے جواہر لال نہرو میڈیکل کالج سےگرفتار کیا تھا۔

اے ایم یو کے دو طلبہ گرفتار

کچھ دیر پہلے ہی اے ایم یو کے فرحان زبیری ( سابق کورٹ ممبر طلبہ یونین) اور روش علی خان کو پولیس نے گرفتار کر لیا۔ یہ دونوں طلبہ لاک ڈاؤن سے قبل شہریت ترمیمی قانون کے خلاف اے ایم یو کیمپس میں احتجاجی سرگرمیوں میں متحرک تھے۔ بتایا جارہا ہے ان کے خلاف پہلے سے ایف آئی آر درج تھی۔دونوں طلبہ کے گرفتاری کی خبر شوشل میڈیا پر تیزی سے پھیل رہی ہے اور یونیورسٹی کے طلباء دونو ں کی رہائی کا مطالبہ کر رہے ہیں۔

اس سلسلے میں یونیورسٹی پراکٹر پروفیسر محمد وسیم علی نے فون پر اطلاع دیتے ہوئے بتایا کہ دونوں ہی طلبہ کو پولیس نے مڈراک سے آج گرفتار کیا ہے۔ ہمیں بھی ابھی اطلاع ملی ہے اور تفصیلات کے لیے ہم لوگ انتظامیہ سے رابطہ کر رہے ہیں۔

یونیورسٹی پراکٹر نے مزید بتایا گزشتہ شب یہ دونوں پراکٹر آفس آئے تھے اور انہیں کہیں جانے کے لیے پرمٹ بنوانا تھا۔ ہم نے انہیں ہدایت دی تھی کہ کل صبح آفس کے وقت میں آکر درخواست دے دینا جس کو ہم فارورڈ کر دیں گے اور آپ کا پرمٹ بن جائے گا لیکن شاید انہوں نے آن لائن ہی پرمٹ بنوا کر چلے گئے۔

یونیورسٹی پراکٹر نے مزید بتایا گرفتاری لوک ڈاؤن کی خلاف ورزی کی وجہ سے یا دوسری وجہ سے ہوئی ہے اس بارے میں ابھی کچھ نہیں کہا جاسکتا ہے، لیکن دونوں طلبہ کو مڈراک سے گرفتار کر لیا گیا ہے۔