اتر پردیش کے شہر بارہ بنکی میں دوشنبہ کو مجاہد آزادی عبدالقیوم انصاری کی برسی کے موقع پر کانگریس اقلیتی سیل نے بنکروں کے مسائل کے حل کے لیے وزیر اعلی یوگی ادتیاناتھ کو پانچ نکاتی میمورنڈم سونپا۔
میمورنڈم کے ذریعہ وزیر اعلیٰ کو بنکروں کی صورت حال سے روبرو کرایا گیا اور ان کے تمام مسائل کو حل کرنے کا مطالبہ کیا گیا ہے۔
اس موقع پر کانگریس اقلیتی سیل نے وزیراعلیٰ کو بتایا 'لاک ڈاؤن کی وجہ سے بنکروں کا قدیمی پیشہ برباد ہو گیا ہے۔ جس کی وجہ سے بنکر بھکمری کی کگار پر ہیں اور محنت مزدوری کر کے اپنا گزارا کر رہے ہیں'۔