مئو: مجاہد آزادی رام ولاس پانڈے کو خراج عقیدت

ریاست اترپردیش کے ضلع مئو میں مجاہد آزادی رام ولاس پانڈے کو خراج تحسین پیش کیا گیا۔

موجودہ دور کی سیاسی جانبداری کی وجہ سے مجاہدین آزادی کی یاد میں منعقد ہونے والی تقاریب میں نئی نسل کی حصہ داری نہیں کے برابر ہوگئی ہے۔

جنگ آزادی کے دوران بارہ سال نو ماہ جیل کی سلاخوں کے پیچھے زندگی گزارنے والے رام ولاس پانڈے ضلع مئوکے ان چند مجاہدین آزادی میں شامل ہیں جنہوں نے مدھوبن بغاوت کی الم برداری کی تھی۔ لیکن ان کی برسی کے موقع پر خراج عقیدت پیش کرنے والوں کے لیے لگائی گئی چند کرسیوں میں بھی کچھ خالی نظر آئیں۔

رام ولاس پانڈے کے اہل خانہ سے بات چیت کے دوران حکومت کی بےحسی کا کرب صاف ظاہر ہوتا ہے۔ رام ولاس پانڈے کی برسی کے موقع پر ان کے ہم نواں و مجاہد آزادی ودیا دھر رائے نے بھی شرکت کی۔ 102 سالہ ودیا دھر رائے ذہنی طور پر معذور ہیں۔