ریاست اترپردیش کے ضلع بارہ بنکی کے بنکی بلاک کے مجیٹھا گاؤں میں محکمہ باغبانی اور پھل تحفظ کی جانب سے جاگو ری جاگو سماجی تنظیم کے تعاون سے چل رہے تین روزہ بیداری ٹریننگ بدھ کو مکمل ہوگئی۔
واضح رہے کہ اس موقع پر ٹریننگ مکمل کرنے والی تمام امیدواروں کو سند بھی تقسیم کی گئی۔
اس موقع پر ٹریننگ پروگرام کے انچارج سشیل کمار نے بتایا کہ ماہر ٹرینرس کے زریعہ ان تمام طلبہ کو ٹومیٹو ساس، مکسڈ اچار، سنترا جوس، گلاب شربت، اچار سرکا وغیرہ بنانے کی ٹریننگ انہیں دی گئی ہے۔
ٹریننگ کے دوران تمام طلبہ سے امید کی گئی کہ تربیت حاصل کرنے والی طلبہ اپنے اپنے گھروں میں اپنا کاروبار شروع کرنے کی کوشش کریں گے۔
پروگرام کے مہمان خصوصی لان اور لاج ایسوسی ایشن کے جنرل سکریٹری محمد صباح، جاگو ری جاگو تنظیم کے کنوینر چندر پرکاش ورما، انڈین ریڈ کراس سوسائٹی کے سکریٹری پردیپ سارنگ نے تمام طلبہ کو سند تقسیم کی۔
اس موقع پر تمام مہمانان نے ٹریننگ حاصل کرنے والی تمام طلبہ کو مبارکباد پیش کی اور ان کے بہتر مستقبل کے لیے نیک خواہشات کا اظہار کیا۔
انہوں نے امید ظاہر کی کہ اس پروگرام سے خواتین کو خود مختار اور بااختیار بننے میں مدد ملے گی۔