دفعہ 370 کی تنسیخ: دیوبند میں ہائی الرٹ کی ہدایت

وزیر داخلہ امت شاہ کے ذریعہ کشمیر کاخصوصی درجہ ختم کرنے کا بل اور پھر اکثریتی ووٹوں کے ساتھ اس کی منظوری کے بعد شہر دیوبند میں واقع ممتاز دینی ادارہ دارالعلوم دیوبند کے سبب انتظامیہ کافی الرٹ رہی۔

ایس ایس پی دنیش کمار پی اور ایس پی دیہا ت ودھیا ساگر مشر نے دیوبند پہنچ کر پولیس افسران کے ساتھ تمام حالات کا جائزہ لیا۔ کوتوالی میںبند کمرہ میںکافی دیر تک ایس ایس پی نے مقامی پولیس افسران کو الرٹ رہنے کی ہدایت دی

ایس ایس پی نے بتایا کہ صرف قانونی نظم ونسق کوطہتربنائے رکھنے کے لیے مقامی پولیس کو ہدایت دی گئی ہے۔

انہوں نے کہا کہ وہ دیوبند میں التواءمیں پڑے مقدمات کی جانچ کرنے کے لئے آئے تھے۔

انہوں نے کہاکہ پارلیمنٹ میں کشمیر کاخصوصی درجہ ختم کئے جانے اوردفعہ 370 ہٹائے جانے پر دیوبند سمیت مختلف علاقوں میں ہائی الرٹ کیاگیاہے۔

پولیس کو کسی بھی واقعہ سے نمٹنے کے لئے خاص ہدایت دی گئی ہے۔ انہوں نے کہاکہ ضلع کی پولیس کو حفاظتی نقطہ نظر سے سخت ہدایت دی گئی ہے۔

ایس ایس پی نے کہاکہ حکومت نے تمام محکموں کی چھٹیاں کینسل کردی ہیں اور ہم سب لوگ شانتی سمیتی کے لوگوں کے رابطہ میں تھے،آج ہم نے دیوبند میں وزٹ کی یہاں امن شانتی ہے۔ کسی کو بھی کسی طرح کاجلوس نہیںنکالنے دیا جائیگا۔

انہوں نے کہاکہ جس کو خوشی منانی ہے وہ اپنے گھر میں منائیں ،جلوس وغیرہ نہیں نکالنے دیئے جائینگے، بغیر اجازت کے جلوس نکالنے والے لوگوں کے خلاف سخت قانونی کارروائی عمل میںلائی جائیگی ۔

)