ہیم وتی نندن بہوگنا کو بھارت رتن دینے کا مطالبہ

بہوگنا صد سالہ تقریبات کمیٹی اور دیگر کئی تنظیموں نے اتر پردیش کے سابق وزیر اعلیٰ ہیم وتی نندن بہوگنا کو ملک کا اعلیٰ ترین شہری اعزاز بھارت رتن دینے کا مطالبہ کیا۔

ان تنظیموں نے پارلیمنٹ کے احاطے میں ہندوستان کے قد آور سیکولر رہنماؤں میں سے ایک مسٹر بہوگنا کا مجسمہ نصب کرنے کا بھی مطالبہ کیا۔

واضح ہو کہ بہوگنا گڑھوال کے غیر معروف گاؤں میں 25 اپریل 1919 کو پیدا ہوئے ۔

انھیں 1973 میں اترپردیش کا وزیر اعلیٰ بنایا گیا تاہم 1975 میں اس وقت کی وزیر اعظم اندرا گاندھی نے انھیں استعفیٰ دینے پر مجبور کر دیا۔
ایمرجنسی کے بعد مرکز میں بننے والی حکومت میں انھیں کیمیکل اور کھاد کا وزیر بنایا گیا تھا۔

سنہ 1979 میں وہ چرن سنگھ کی کابینہ میں وزیر خزانہ کے منصب پر فائز ہوئے۔